Adams Oshiomhole: From Workers’ Champion to Senator-Elect, A Fighter For The Masses!

Adams Oshiomhole: From Workers’ Champion to Senator-Elect, A Fighter For The Masses!....KINDLY READ THE FULL STORY HERE▶

Make we yan more tori about our own fighter, Adams Oshiomhole, wey don pay e dues for the Naija masses. Oshiomhole don show us say e no be person wey  dey joke with the sufferings of the ordinary people.

Oshiomhole no be person wey just come from nowhere. Back for 1982, e start im work as General Secretary of the Textile Union, and from dat time, e don dey fight for workers’ rights...CONTINUE READING.

E know say workers deserve better pay and better conditions, and e no gree rest until e negotiate 25% wage increase for public sector workers under Obasanjo administration. No be small thing o!

Dis fighter for the masses, e no dey gree compromise truth. E don suffer tire sake of e fight for better Nigeria. Even under military regime, dem send am go detention, but e no shake.

When return to democracy come, e continue the fight. Dem even send soldiers after am, but e stand strong. Oshiomhole believe say the money of the people and the betterment of our country dey important pass anything else.

No be small thing o! For this country wey we dey, politicians fit forget the sufferings of the people wey elect dem, but Oshiomhole no be that kind person. E always stand on the side of truth, even if e mean say e go land for detention. During military regime, dem put am for detention sake of say e dey fight for better Nigeria. But as God go get am, e still stand strong.

When e become Governor for Edo State, e show us say leadership no be mouth. E perfom pass wetin people expect. E fix roads, improve education, and empower our youth. People wey doubt say change fit happen, Oshiomhole show dem say na possible thing. E make us believe say our leaders fit do better.

E later become national chairman for APC, and e use that position take bring unity and progress within the party. E no dey play with party matters, because e know say if party no dey strong, e go hard to achieve progress for our country.

Now, Oshiomhole don turn Senator elect ! Dis man wey no gree compromise truth, we thank God say e still dey active for politics. This new role wey e get na opportunity for am to take us go greater heights.

E go continue to fight for the masses, to ensure say the voice of the ordinary Naija person dey heard for the highest level.

We salute our own fighter, Adams Oshiomhole. E don pay e dues, and we dey proud of am. May God continue to bless am and give am strength to carry on with the fight for the betterment of Nigeria.

We hail you, Adams Oshiomhole! Na better person you be!

Narrative by Osigwe Omo-Ikirodah the chairman and CEO of Bush Radio Academy.

Source iReporteronline